وفاقی وزیر پٹرولیم علی پرویز ملک نے پیٹرول اور ڈیزل کی بلند قیمتوں سے پریشان عوام کو ریلیف کی امید دلاتے ہوئے کہا ہے کہ آنے والے دنوں میں اچھی خبر متوقع ہے۔
ایک انٹرویو میں علی پرویز ملک نے بتایا کہ حکومت پٹرولیم مصنوعات کی قیمتوں میں کمی کے لیے مختلف ممالک سے رابطے میں ہے اور اس حوالے سے مثبت پیش رفت کی امید ہے۔
وفاقی وزیر کے مطابق سعودی عرب سے بھی اچھی خبر آنے کی توقع ہے، جبکہ ترکیہ کے ساتھ بھی بات چیت میں مثبت پیش رفت متوقع ہے۔
انہوں نے بتایا کہ عمان پہلے ہی 200 ملین ڈالر کے ادھار پر پاکستان کو پیٹرول فراہم کرنے پر رضامندی ظاہر کر چکا ہے۔
علی پرویز ملک نے عوام کو اطمینان دلاتے ہوئے کہا کہ وہ بے فکر رہیں، آنے والے دنوں میں اچھی خبر ملے گی۔
وفاقی وزیر کا کہنا تھا کہ حکومت عوام کو پٹرولیم مصنوعات کی قیمتوں میں ممکنہ ریلیف فراہم کرنے کے لیے ہر ممکن اقدامات کر رہی ہے۔
