امریکی صدر ٹرمپ نے ایران کو متنبہ کیا ہے کہ اگر اس نے حالیہ امریکی کارروائی کا جواب دیا تو اسے پہلے سے کہیں زیادہ شدید اور تباہ کن نظامی کارروائی کا سامنا کرنا پڑے گا۔
امریکی صدر ڈونلڈ ٹرمپ نے ایران کے خلاف کی جانے والی حالیہ فوجی کارروائی کا دفاع کرتے ہوئے اسے جائز قرار دیا ہے۔
اپنے سماجی میڈیا پر جاری بیان میں کہا کہ امریکہ نے آبنائے ہرمز کے قریب ایرانی اہداف پر یہ حملے ایرانی بارودی سرنگوں اور تجارتی جہازوں پر میزائل حملوں کے جواب میں کیے ہیں۔
یہ بھی پڑھیں : امریکہ کے جنوبی ایران پر شدید فضائی اور میزائل حملے، 7 افراد شہید
صدر ٹرمپ کا کہنا تھا کہ ایران نے اردن میں قائم امریکی فوجی اڈے پر 8 میزائل داغے تھے، جنہیں امریکی دفاعی نظام نے مکمل طور پر ناکام بنا دیا۔
امریکی صدر نے ایران کو سخت ترین نتائج کی دھمکی دی ہے۔ انہوں نے کہا کہ اگر ایران نے اس بار کوئی جوابی کارروائی کرنے کی کوشش کی تو اس پر پہلے سے زیادہ سخت اور بلند سطح کا حملہ کیا جائے گا۔ انہوں نے مزید کہا کہ ابھی امریکہ نے اپنا سب سے بڑا حملہ روکا ہوا ہے، جو وقت آنے پر کیا جا سکتا ہے۔
ڈونلڈ ٹرمپ کا کہنا تھا کہ اگر امریکہ نے اپنا حتمی اور سب سے بڑا حملہ کر دیا تو اسلامی جمہوریہ اِیران کا بہت ہی کم حصہ باقی بچے گا۔
