پاکستان نے امریکہ اور ایران کے درمیان دوبارہ شروع ہونے والے حملوں پر تشویش کا اظہار کرتے ہوئے امید ظاہر کی ہے کہ دونوں ممالک مذاکرات کی طرف لوٹیں گے۔
ترجمان دفتر خارجہ نے امریکہ اور ایران کے درمیان حملوں میں اضافے پر گہری تشویش ظاہر کی ہے۔ ترجمان کا کہنا ہے کہ جنگ اور عسکری اقدامات میں شدت کسی بھی طور مناسب یا مطلوب نہیں ہے اور اس سے خطے کے امن کو شدید خطرات لاحق ہو سکتے ہیں۔
یہ بھی پڑھیں : آبنائے ہرمز پر ایران کے مکمل کنٹرول نے مشرق وسطیٰ کا نیا جیو پولیٹیکل آرڈر قائم کر دیا
ترجمان کا کہنا تھا کہ پاکستان کو اس بات پر اب بھی پورا اعتماد ہے کہ دونوں فریقین صبر و تحمل کا مظاہرہ کرتے ہوئے جلد دوبارہ مذاکرات کی میز پر واپس آئیں گے اور مسائل کا حل حل سفارتی ذرائع سے نکالیں گے۔
بیان میں مزید بتایا گیا کہ حال ہی میں پاکستانی عسکری حکام نے تہران کا اہم دورہ کیا ہے۔ اس دورے کے دوران آبنائے ہرمز میں پیدا ہونے والے شدید بحران کو حل کرنے اور کشیدگی میں کمی لانے کے لیے انتہائی مثبت اور پیش رفت سے بھرپور بات چیت ہوئی ہے۔ پاکستان نے واضح کیا کہ خطے میں پائیدار امن کے لیے مذاکرات ہی واحد راستہ ہیں۔
